ҚАЗАҚСТАН ХАЛҚЫН ҚАНШАЛЫҚ ЖАҚСЫ ТАНИСЫЗ?

Қазақстанда бір чуван, үш нивх, төрт жүзге тарта табасаран тұрады екен. Бұдан өзге жүзден аса этностың біреуі бірнеше миллионнан асса, енді бірінің бүкіл ел аумағында бір-ақ өкілі бар. Бірінші мамырда Қазақстан халқының бірлігі күнін атап өтеміз. Иә, халықтарының емес, халқының. Өйткені кейінгі халық санағында хатқа түскен 124 этностың бәрі — біз. Қазақ, орыс, неміс, өзбек пен украин, армян мен дүнген, грек пен кәріс. Бәрі — біз. Әрқайсымыздың өз тағамдарымыз, өз мерекелеріміз, салтымыз бен мәдениетіміз бар. Сөйте тұра қаншама ортақ нәрсе барына да таңғалмай қоймассың. Қазақстанды шын мәнінде қаншалық жақсы танитынымызды бір тексеріп көрейік.